Monday, June 8, 2020

Is the evidence for SGLT2i enough for a paradigm shift for practicing cardiologists?

“Ази Номхон Далайн Зүрхний Нийгэмлэг”-ээс нийгэмлэгийн гишүүддээ зориулан вебинар тусгай цувралыг зохион байгуулж байгаа билээ. 
Дараагийн цуврал вебинар сургалт 2020 оны 6 дугаар сарын 26, Баасан гаригт 12-13 (Сингапурын цагаар)  цагт болох ба маш сонирхолтой сэдвээр хэлэлцэх тул та бүхнийг идэвхтэй оролцохыг урьж байна.

    Title:  Improving mortality, heart failure, and renal outcomes for our patients. Is the evidence for SGLT2i enough for a paradigm shift for practicing cardiologists?
Date26 June 2020, Friday
Time12pm - 1pm Singapore Time / 4am - 5am GMT
Who Should Attend?Cardiologists, Endocrinologists, Nephrologists, and Trainees

Wednesday, May 6, 2020

COVID-19 ЦАР ТАХЛЫН ҮЕД CATHLAB-Д ГАРЧ БУЙ ӨӨРЧЛӨЛТҮҮД

Нийгэмлэгийн гишүүдэд “Ази Номхон Далайн Зүрхний Нийгэмлэг”-ээс COVID-19 цар тахалтай холбоотой вебинар тусгай цувралыг зохион байгуулж байгаа билээ. 

Дараагийн цуврал вебинар сургалт 2020 оны 5 дугаар сарын 12, Мягмар гаригт 18-19 (Сингапурын цагаар)  цагт болох ба та бүхнийг өргөнөөр оролцохыг урьж байна.
Title Changes in Cathlab Workflow During COVID-19 Times
Date 12 May 2020, Tuesday
Time 6pm - 7pm Singapore Time
Who Should Attend? Practicing Cardiologists and Cardiology Trainees
Бүртгүүлэх

TOPICS

What works in a cathlab when treating a COVID-19 patient? - Dr Zhou Ning

Changes in workflow and equipment that makes sense.

Case discussion to illustrate workflow requirements - Dr Jack Tan

CXR and CT changes for COVID-19 patients, challenges in ventilation and when is ECMO required

Friday, May 1, 2020

COVID-19 цар тахлын үед зүрхний цочмог шигдээсийн тусламж үйлчилгээг хэрхэн хүргэх вэ?

Нийгэмлэгийн гишүүдэд “Ази Номхон Далайн Зүрхний Нийгэмлэг”-ээс вебинар тусгай цувралыг зохион байгуулж байна. Цувралын эхэнд COVID-19 хэрхэн даван туулах туршлага болон тулгарч буйж бэрхшээлүүдийг болон APSC-ний зөвлөмжийн талаар хэлэлцэх болно.

Вебинар сургалт нь 2020 оны 5 дугаар сарын 4,  Даваа гаригт 12-13 (Сингапурын цагаар)  цагт болох ба та бүхнийг өргөнөөр оролцохыг урьж байна.


Title
Frontiers in Coronary Heart Disease: STEMI Care During COVID Times

Date
4 May 2020, Monday

Time

12noon - 1pm Singapore Time


Who Should Attend?

Practicing Cardiologists and Cardiology Trainees




TOPICS

Overcoming COVID-19  -  Prof Kai Xu

Sharing of best practices from China: Changes in STEMI Workflow and Practices in response to the COVID pandemic

APSC Consensus Recommendations  -  Prof Derek Chew
Titration of pharmacotherapy peri-PCI. Recommendations on use of P2Y12i use – escalation/de-escalation



Saturday, March 28, 2020

Нийгэмлэгийн хүндэт гишүүн танаа


COVID19 халдварын үед зүрх судасны эрхтэн тогтолцооны гэмтэл үүсгэж ST-тэй зүрхний шигдээсмиокардитзүрхний дутагдалховдлын тахикарди гэх мэт илрэлүүдтэйгээр өвчтөнүүд эмнэлгийн байгууллагад хандаж байгаа нь бүртгэгдэж байгаа ба энэ нь Зүрх судасны эмч мэргэжилтэнүүдийг өндөр эрсдэл бүлэгт оруулж байна.


Иймд зүрх судасны салбарт ажиллаж буй эмч, мэргэжилтэн та бүхэн өдөр тутмын үйл ажиллагаандаа өөрийгөө хамгаалах арга хэмжээг тогтмол авч ажиллахыг зөвлөж байна. Монголын зүрх судасны эмч нарын нийгэмлэгээс өөрийн гишүүдэд амны маск ба Нүүрний хаалтыг илгээж дараах зөвлөмжүүдийг хүргэж байна.

  • Ханиах, найтаах үедээ тохойн хэсгээр хаах, эсвэл сальфеткаар амыг хаах. Хэрэглэгдсэн сальфеткийг даруй хаях
  • Гараж тогтмол сайтар хөөсрүүлэн савангаар угаах. Саванг гарт доод тал нь 20 секундын туршид үрж хөөсрүүлэн угааж, 75%-иас дээш этилийн спирт бүхий ариутгах уусмалаар ариутгах.
  • Олон хүнтэй үйл ажиллагаанд оролцохгүй байх
  • Бусад хүнтэй 1 буюу түүнээс дээш метрийн зайтай зогсож харилцах
  • Гар барих, үнсэх, биед хүрэх, аяга халбага хамтарч хэрэглэх, хоол хувааж идэх зэргийг бүрэн хориглох
  • Өрөөний тавилга, гадаргуу, хаалганы бариул зэргийг тогтмол ариутгаж цэвэрлэх
  • Эмнэлгийн орчинд өвчтөнд үзлэг хийх, халдвартай байж болох бүсэд ажиллахдаа хувийн хамгаалах хэрэгсэл болох амны маск, нүүрний хаалт, нэг удаагийн бээлийг тогтмол өмсөж занших
  • Хувийн хамгаалалтын хувцас хэрэгсэлийг тайлахдаа гадна хэсэгт аль болох хүрэхгүй байх
  • Нүүрний хаалт, резинэн гутал зэрэг ариутган хэрэглэдэг хэрэгсэлүүдийг тайлсан дариудаа ариутгалын уусмалд хийж цэвэрлэх
  • Хамгаалалтын хувцас, хэрэгсэл тус бүрийг тайлсаны дараа гарыг зөвлөмжийн дагууд угаах
  • Гэртээ харих үедээ бүрэн хувцасаа сольж, усанд орно. Ам хамрыг цэвэрлэсний дараа гэр бүлийн гишүүддээ ойртох байдлаар тэднийг хамгаалах

Нийгэмлэгийн зүгээс COVID19 халдвар ба Зүрх судасны эмгэгийн чиглэлд гарч буй олон улсын зөвлөмж, тохиолдолуудыг www.cardiosociety.mn вэб сайтад байршуулан ажиллахаар бэлтгэл ханган ажиллаж байна. Иймд гишүүн та нийгэмлэгийн цахим хуудаснаас тогтмол мэдээлэл авч байхыг зөвлөж байна.


ХАМТДАА ХАМГААЛЦГААЯ

Friday, August 2, 2019

"Зүрх судасны үндэсний конференци 2017" видео хичээлүүдийг үзэх боломжтой боллоо

"Монголын зүрх судасны эмч нарын нийгэмлэг"-ээс онлайн сургалтыг нэвтрүүлэх ажлын хүрээнд тус нийгэмлэгийн албан ёсны www.cardiosociety.mn веб сайтын Webinar буланд "Зүрх судасны үндэсний конференци 2017" хурлын видео хичээлүүдийг бүх хэрэглэгчдэд нээлттэй үзэхээр байршууллаа. 

Тун удахгүй "Зүрхний судасны үндэсний конференци 2018"-ийн үеэд бэлтгэсэн видео хичээлүүдийг нийгэмлэгийн гишүүд үзэх боломжтойгоор байрлуулахаар бэлтгэж байна. 

Ингэснээр гишүүд та бүхэн зүрх судасны өвчний оношилгоо, эмчилгээ, шинэ технологи, орчин үеийн чиг хандлагын талаарх мэдээллийг жилийн турш үнэ төлбөргүй хүлээн авч өөрийн мэдлэг, мэргэжлийг тасралтгүй дээшлүүлж байх таатай боломж бүрдэх юм. 

http://webinar.cardiosociety.mn/




Wednesday, July 17, 2019

Монголын зүрх судасны эмч нарын нийгэмлэгийн ерөнхийлөгч Д.Мөнгөнчимэг APSC-ийн 1-р бүсийн дэд ерөнхийлөгчөөр сонгогдлоо

2019 оны 05 сарын 22-26-ны өдрүүдэд Филлипин улсын нийслэл Манила хотод зохион байгуулагдсан Ази Номхон Далайн Зүрхний Хурлын нэгдсэн чуулганаар "Монголын зүрх судасны эмч нарын нийгэмлэг"-ийн ерөнхийлөгч Д.Мөнгөнчимэгийг тус нийгэмлэгээс 1-р бүсийг хариуцсан дэд ерөнхийлөгчөөр сонгосон таатай мэдээг хүргэж байна. 

Ази Номхон Далайн Зүрхний Нийгэмлэг нь Ази Номхон далайн бүс нутаг дахь гишүүн орнуудын үйл ажиллагааг зохион байгуулах, нийгэмлэгийн үйл ажиллагаанд уялдуулан удирдан чиглүүлэх зорилгоор 3 бүсэд хувааж бүс тус бүрийг нэгдсэн чуулганаас сонгогдсон 2 дэд ерөнхийлөгч хариуцан ажилладаг. 

Энэ жилийн Ази Номхон Далайн Зүрхний Конгрессийн үеэр хуралдсан нэгдсэн чуулганаар Хонгконг, Монгол, Япон, Тайван, БНХАУ, БНСУ, БНАСАУ, Австрали болон Шинэ Зеланд, Папуа Шинэ Гвиней, Фижи болон бусад номхон далайн арлын орнууд, Казакстан, Киргизстан, Тажикстан, Туркменстан, Узбекстан зэрэг орны гишүүн нийгэмлэгүүдийг багтаасан 1-р бүсийн дэд ерөнхийлөгчөөр "Монголын зүрх судасны эмч нарын нийгэмлэг"-ийн ерөнхийлөгч Д.Мөнгөнчимэгийг сонгосон нь Ази Номхон Далайн Зүрхний Нийгэмлэгээс бидэнд өгч буй өндөр нэр хүнд, хариуцлагатай үйл хэрэг юм. 

"Монголын зүрх судасны эмч нарын нийгэмлэг"-ийн нийт гишүүд болон монголын зүрх судасны салбарын эмч, мэргэжилтнүүдийн нэрийн өмнөөс Д.Мөнгөнчимэг эмчийн цаашдын ажилд амжилт бүтээл дүүрэн байхыг хүсэн ерөөе. 

Tuesday, June 25, 2019

The 5th Cardio Update Europe 2019 хурлын шууд дамжуулалтыг үнэ төлбөргүй үзэх эрхийг олгоно

"Монголын зүрх судасны эмч нарын нийгэмлэг"-ээс хамтын ажиллагааны хүрээнд Унгар улсын Будапешт хотод 06 сарын 28-29-ний өдрүүдэд зохион байгуулагдах хуралд онлайнаар үнэ төлбөргүй оролцох боломжийг олгож байна. 

Тус хуралд оролцох онлайн эрхийг авснаар


  • Өөрийн байгаа газар орноос интернет ашиглан хурлын бүхий л үйл ажиллагаанд үнэ төлбөргүй оролцох
  • Michael Böhm, Kurt Huber, Andre Keren болон Béla Merkely зэрэг тэргүүлэх зэргийн мэргэжилтнүүдийн удирдан явуулах хурлын шууд дамжуулалтыг үзэх
  • Европын зүрх судасны салбар дахь тэргүүлэх мэргэжилтнүүдийн бэлтгэсэн 12 интерактив лекцэнд оролцох
  • Зүрх судасны салбарт шинээр хийгдсэн олон улсын судалгааг анх удаа танилцуулах дамжуулалтыг хүлээн авах
  • Эмнэлзүй болон өдөр тутмын үйл ажиллагаанд анхаарсан лекц, семинарыг хүлээн авах
зэрэг олон давуу талыг хүртэх боломжтой ба тус хуралд өөрийн биеэр оролцсонтой дүйхүйц боломжийг таньд олгоно. 



"Монголын зүрх судасны эмч нарын нийгэмлэг"-ийн хамтын ажиллагааны хүрээнд олгогдож буй үнэ төлбөргүй 10 онлайн эрхийг авч хурлын үйл ажиллагааг үзэж сонирхохыг хүссэн тус нийгэмлэгийн гишүүн эмч, мэргэжилтнүүд contact@cardiosociety.mn хаягаар бидэнд өөрийн хүсэлтийг товч CV-ийн ирүүлнэ үү. 


Хурлын шууд дамжуулалтын дэлгэрэнгүй хөтөлбөртэй доорхи хавсралтаас танилцана уу.


Follow by Email